Mjólkurflutningar
Mjólkurflutningar hafa alla tíð verið á ábyrgð mjólkurframleiðenda sjálfra í gegnum samvinnufélagið sitt þar sem kostnaði vegna mjólkurflutninga er jafnað út á alla mjólkurframleiðendur. Ástæðu þessa fyrirkomulags má rekja til þeirrar ákvörðunar að það skyldi ekki bitna á mjólkurframleiðendum einstakra héraða ef mjólkurvinnslu yrði hætt í næsta nágrenni við þá og mjólk þeirra flutt um lengri veg til vinnslu.
Auðhumla svf. innheimtir þannig sama krónugjald á alla mjólkurframleiðendur á félagssvæði sínu á hvern sóttan mjólkurlítra. Auðhumla svf. greiðir MS sömu krónutölu fyrir að sjá um flutningana fyrir Auðhumlu svf. samkvæmt þjónustusamningi milli félaganna. Með því fyrirkomulagi næst hámarksnýting á mannskap og sérhæfðum tækjum MS.
Stjórn Auðhumlu svf. ákveður hvaða verð skuli innheimt af mjólkurframleiðendum fyrir eitt ár í senn skv. 4. lið viðskiptaskilmála Auðhumlu svf.
Framleiðendur greiða frá 01.03.2026 kr. 5,90 á hvern lítra fyrir mjólkurflutninga skv. stjórnarákvörðun Auðhumlu svf. 26.02.2026
Framleiðendur greiddu frá 01.03.2025 til 28.02.2026 kr. 5,80 á hvern lítra fyrir mjólkurflutninga.
Framleiðendur greiddu frá 01.02.2023 til 28.02.2025 kr. 5,50 á hvern lítra fyrir mjólkurflutninga.
Framleiðendur greiddu frá 01.01. 2022 til 31.01.2023 kr. 5,15 á hvern lítra fyrir mjólkurflutninga.
Lágmarksmagn sem sótt er hverju sinni þarf að nema 200 ltr.
Ástæðan fyrir 200 ltr. lágmarkinu er sú að í dag eru mjólkursöfnunarbílar búnir afkastamiklum dælum með sjálfvirkum sýnatökubúnaði. Til þess að þessi búnaður virki eins og til er ætlast þarf lágmarks innvigtun frá framleiðanda að vera 200 ltr. Hvað eldri sýnatökuaðferðir varðar þá eru margir mjólkurtankar hjá bændum þannig að ekki er hægt að taka sýni með eldri aðferðum. Þessi lágmarksviðmið voru kynnt í febrúar 2016 og tóku gildi 1. maí sama ár.
Síða uppfærð: 27.02.2026