Breyting á efnainnihaldi viðmiðunarmjólkur frá 1. janúar 2025

Samsetning meðalmjólkur breytist frá 1. janúar 2025 og verður eftirfarandi (með fyrirvara um staðfestingu Verðlagsnefndar búvöru):

Fita: 4,23%

Prótein: 3,38%

Fitan er sem sagt óbreytt frá fyrra ári en prótein lækkar úr 3,39% í 3,38%

Við útreikninga á efnainnihaldi meðalmjólkur, öðru nafni grundvallarmjólkur, er miðað við meðalefnainnihald síðustu þriggja ára, nú árin 2022, 2023 og 2024.

Vægi efnaþáttana í grundvallarverði mjólkur verður óbreytt, þ.e. hvor efnaþáttur vegur 50% af afurðastöðvarverði.

Gildandi lágmarksverð sem Verðlagsnefnd búvöru hefur áveðið (gildir frá 1.október 2024) er 136,30 kr/l. miðað við 1. flokks meðalmjólk.

Frá og með 1. janúar 2025 er verð á hverja fitu- og próteineiningu eftirfarandi:

Útreikningur á verði til framleiðenda pr. lítra mjólkur er gerður með eftirfarandi hætti: 

(16,1111 *F%) + (20,1627 * P%) = kr. á lítra mjólk

Dæmi:

Mjólkurframleiðandi leggur inn í afurðastöð hrámjólk með 4,45% fitu og 3,35% fitu.

Viðkomandi mjólkurframleiðandi fær þá greitt fyrir þessa mjólk (16,1111 * 4,45) + (20,1627 * 3,35) = 139,24 kr/l. sem er þá 2,94 kr. hærra verð á hvern lítra en meðalmjólkin er. Ástæðan er að efnainnihald fitunnar hjá viðkomandi bónda er talsvert meira en meðalmjólkin er. Próteininnihald mjólkurinnar í þessu dæmi er þó undir viðmiðunarmjólkinni sem lækkar verð hennar lítillega á móti.

Til baka