Frá aðalfundi 8. apríl 2011

Aðalfundur Auðhumlu var haldinn í Dalabúð, Búðardal, föstudaginn 9. apríl 2011. Á fundinn mættu allir 59 fulltrúar eða varamenn sem boðaðir voru til fundarins ásamt stjórn, forstjóra og starfsmönnum. Einnig mættu nokkrir gestir til fundarins. Kynntar voru skýrslur um rekstur Auðhumlu samstæðunnar árið 20109. Mikill viðsnúningur hefur orðið á rekstri samstæðunnar og fögnuðu fulltrúar þeim árangri sem hagræðingaraðgerðir undanfarinna ár eru nú að skila. Á fundinum flutti Haraldur Benediktsson formaður Bændasamtaka Íslands erindi um varnarlínur BÍ vegna ESB umsóknar og Sigurður Loftsson form. LK hélt erindi um stefnumörkun LK er snýr að mjólkuriðnaðinum og ytra umhverfi greinarinnar. Margir tóku til máls. Stjórnin var endurkjörin en hana skipa, Egill Sigurðsson, Berustöðum, Erlingur Teitsson, Brún, Guðrún Sigurjónsdóttir, Glitstöðum, Birna Þorsteinsdóttir, Reykjum, Jóhannes Torfason, Torfalæk, Jóhannes Ævar Jónsson, Espihóli og Arnar Bjarni Eiríksson, Gunnbjarnarholti. Varamenn eru; Pétur Diðriksson, Helgavatni, Björn Harðarsson, Holti og Stefán Magnússon, Fagraskógi.

Til baka