Hækkun á afurðaverði til mjólkurframleiðenda frá 1. október

Verðlagsnefnd búvara ákvað á fundi sínum þann 10. október sl. að hækka lágmarksverð á mjólk til bænda um 2,73% sem skal gilda frá 1. október 2024. Lágmarksverð 1. flokks mjólkur miðað við grundvallarefnainnihald mjólkur fer því úr 132,68 kr/l. í 136,30 kr/l.

Hækkunin er tilkomin vegna kostnaðarhækkana við framleiðslu mjólkur frá síðustu verðákvörðun nefndarinnar sem byggði á verðlagi í desember 2023 og tók gildi þann 1. janúar 2024.

Þrátt fyrir sýnilega hækkun á vinnslu- og dreifingarkostnaði sem og þessa hækkun á lágmarksverði til framleiðenda ákvað nefndin að heildsöluverð á mjólk og mjólkurvörum skuli haldast óbreytt að sinni.

Gildandi efnainnihald grundvallarmjólkur er 4,23% fita og 3,39% prótein

Til baka