2. apríl 2025

Niðurstöður tilboðsmarkaðar fyrir greiðslumark mjólkur 1. apríl 2025

Atvinnuvegaráðuneytið hefur birt niðurstöður tilboðsmarkaðar vegna greiðslumarks í mjólk sem haldinn var þann 1. apríl.

Alls bárust Atvinnuvegaráðuneytinu 27 gild tilboð um kaup og sölutilboð voru 23.

Tilboð voru send með rafrænum hætti í gegnum AFURÐ sem er greiðslukerfi landbúnaðarins og liggur niðurstaða markaðarins nú fyrir.

Í gildi er ákvörðun ráðherra um að hámarksverð skuli vera þrefalt afurðastöðvaverð, sem við lok tilboðsfrests var 411 kr. fyrir hvern lítra. Við opnun tilboða kom fram jafnvægisverðið 250 kr./ltr. - sem er óbreytt verð frá síðasta tilboðsmarkaði þann 1. nóvember 2024.

  • Fjöldi gildra tilboða um sölu á greiðslumarki mjólkur voru 23.
  • Fjöldi gildra tilboða um kaup voru 27.
  • Fjöldi kauptilboða undir jafnvægisverði var 3.
  • Fjöldi sölutilboða yfir jafnvægisverði var 5.
  • Greiðslumark sem boðið var fram (sölutilboð) voru alls 1.132.969 lítrar
  • Greiðslumark sem óskað var eftir (kauptilboð) voru 928.000 lítrar
  • Greiðslumark sem viðskipti ná til eftir opnun tilboða (jafnvægismagn) voru 839.986 lítrar að andvirði 209.996.500 kr.
  • Seljendur með tilboð á jafnvægisverði eða lægra eru 18 talsins og selja 100% af sínu framboðna magni.
  • Kaupendur með tilboð á jafnvægisverði eða hærra eru 24 talsins og fá 96% af eftirspurðu magni í sinn hlut

Sala greiðslumarks fer nú fram samkvæmt gildum tilboðum. Atvinnuvegaráðuneytið mun nú senda öllum tilboðsgjöfum upplýsingar um afgreiðslu tilboða og gera breytingar á skráningu greiðslumarks þegar uppgjör hefur farið fram. Upplýsingar um greiðslumark sitt geta bændur nálgast í Afurð.

Sjá upprunalega frétt á vef Stjórnarráðsins

Til baka

Auðhumla

Auðhumla er samvinnufélag í eigu um 500 mjólkurframleiðenda um land allt. Auðhumla hefur það hlutverk að taka við mjólk frá félagsmönnum sínum og umbreyta í mjólkurafurðir sem eru seldar á markaði á Íslandi og erlendis. Það gerir félagið með aðkomu sinni og eign í Mjólkursamsölunni ehf. Auðhumla er móðurfélag Mjólkursamsölunnar ehf.

Lesa meira

Gæðaráðgjafar

Hans Egilsson: Sími 861-4775

Sigurður Grétarsson: Sími 861-4772

Elin Nolsöe Grethardsdóttir: Sími 892-0397

Steinþór Guðjónsson: Sími 836 4770

RM rannsókn: Sími 450-1242