Nýtt verð fyrir umframmjólk frá 1. ágúst 2022

Stjórn Auðhumlu svf. ákvað á fundi sínum 3. ágúst 2022 að afurðarstöðvarverð fyrir umframmjólk verði kr. 100.- á hvern innlagðan líter og taki gildi frá 1. ágúst 2022.  Það gildi þangað til annað verður ákveðið, en þetta verð mun ekki lækka á yfirstandandi verðlagsári. Út frá þessu verði verður síðan reiknað gæðaálag, verðfellingar og efnainnihald. Uppbætur verði svo greiddar eftir að lokauppgjör ársins hefur farið fram, ef tilefni gefur til.

Innlögð mjólk fyrstu 7 mánuði ársins er 1,9 milljónum lítra minni en á síðasta ári eða um 2,1%. Auknar líkur eru á meiri útjöfnun í ár, þar sem ónotað greiðslumarks er meira nú en á sama tíma í fyrra og því full ástæða til að hvetja bændur til aukinnar framleiðslu.

Til baka