Skuggaleg Skjalda

Búnaðarsambands Suðurlands (BSSL) og Tölvu-og rafeindaþjónusta Suðurlands (TRS) stóðu fyrir ljósmyndasamkeppni í sumar þar sem eina skilyrðið var að myndefni tengdist landbúnaði.  Alls bárust um 70 myndir í keppnina.

Starfsmenn Búnaðarsambandsins og TRS kusu 10 myndir til birtingar á vefnum þar sem notendur www.bssl.is gátu síðan valið þá mynd sem þeim fannst best.

Úrslitin voru nýlega gerð kunn en fyrstu verðlaun hlaut Jóhanna S. Hannesdóttir í Stóru-Sandvík fyrir myndina "Skuggaleg Skjalda". Í öðru sæti lenti Magnús Hlynur Hreiðarsson á Selfossi og í þriðja sæti Jónas Erlendsson í Fagradal.  Verðlaun voru gefin af BSSL og TRS þannig að TRS gaf Canon PowerShot G7 myndavél í 1. sætið og 500 Gb utanáliggjandi harðan disk í annað sætið en BSSL gaf Lowepro myndavélarbakpoka í þriðja sætið.

Verðlaunamyndin í ljósmyndakeppni BSSL og TRS á Selfossi, “Skuggaleg Skjalda”, sem Jóhanna S. Hannesdóttir í Stóru Sandvík í Árborg tók.

Til baka