Starfsmannabreytingar í teymi gæðaráðgjafa Auðhumlu svf.

Nú um áramótin verða starfsmannabreytingar í teymi gæðaráðgjafa Auðhumlu svf. Steinþór Guðjónsson mjólkurfræðingur, sem verið hefur gæðaráðgjafi hjá Auðhumlu svf. síðan í september 2022, hættir störfum og fer aftur að starfa við sitt fag hjá MS á Selfossi.

Í hans stað hefur verið ráðinn Ásgeir Hrafn Símonarson. Ásgeir er að mestu uppalinn í Flóanum og á Selfossi. Hann er fimmtugur að aldri, er iðnmenntaður og hefur unnið ýmis landbúnaðarstörf í gegnum tíðina, þ.m.t. á kúabúum. Þá hefur hann unnið við iðngrein sína og komið að ýmsum byggingarframkvæmdum á Selfossi og í sunnlenskum sveitum. Ásgeir kemur því með fjölbreytta starfsreynslu inn í teymið. Frá miðjum nóvember sl. hefur hann verið í læri hjá Steinþóri og Sigurði Grétarssyni og mun áfram starfa undir handleiðslu Sigurðar þar sem þeir deila saman skrifstofuaðstöðu í húsi Auðhumlu svf. á Selfossi.

Um leið og Ásgeir er boðinn velkominn til starfa eru Steinþóri þökkuð störfin fyrir Auðhumlu svf. undanfarin ár og óskað velfarnaðar í störfum sínum fyrir MS.

Ásgeir tekur við því símanúmeri sem Steinþór hafði áður hjá Auðhumlu; 836-4770

Til baka