Úrvalsmjólk 2024

Alls náðu 50 mjólkurframleiðendur á Íslandi þeim frábæra árangri að leggja inn mjólk af úrvalsmjólkurgæðum alla mánuði ársins 2024. Á félagssvæði Auðhumlu svf. voru framleiðendurnir 44 og á félagssvæði Kaupfélags Skagfirðinga í Skagafirði voru framleiðendurnir 6. Þetta eru heldur fleiri framleiðendur en síðustu ár en á árinu 2023 voru samtals 43 mjólkurframleiðendur á landinu öllu sem náðu þessum frábæra árangri, að stórum hluta þeir sömu og náðu honum aftur á liðnu ári.

Á deildarfundum Auðhumlu svf. sem haldnir voru um allt land nú í marsmánuði fengu þessir mjólkurframleiðendur afhentar viðurkenningar fyrir þennan frábæra árangur.

Þessir mjólkurframleiðendur eru:

Samtals framleiddu þessir 50 mjólkurframleiðendur rétt tæpar 15,8 milljónir lítra af úrvalsmjólk.

Auðhumla svf. óskar verðlaunahöfum innilega til hamingju með þessa frábæru gæðavöru sem þeir framleiða.

Reglur um verðlaunaveitingu fyrir mjólk í 1. flokk A eru þessar:
Verðlaun fá þeir innleggjendur sem lögðu inn mjólk í 1. flokki A í öllum mánuðum ársins auk þess sem:
   a) Hámark frumutölu í mánuðinum sé 200 þúsund frumur/ml eða lægra - mælt og reiknað sem faldmeðaltal
   b) Hámark líftölu í mánuðinum sé 20.000 ein/ml, - mælt og reiknað sem beint meðaltal mánaðarins 
   c) Hámark frírra fitusýra sé 0,9 mmol/l, - reiknað sem faldmeðaltal mánaðar

Til baka