Útjöfnun á ónotuðu greiðslumarki 2024 - bráðabirgðatölur

Bráðabirgðaútreikningar sýna að tæpar 8,0 milljónir lítra munu koma til útjöfnunar á árinu 2024. Það raðast þannig að útjöfnun á hvern framleiðenda mun verða u.þ.b. 12,6%, sem er heldur minni útjöfnun en var fyrir árið 2023 þegar hún var um 16,1%. Með öðrum orðum þýðir þetta fyrir mjólkurframleiðendur að fyrstu 12,6% af innlagðri umframmjólk munu fást greidd á fullu afurðastöðvarverði í uppgjöri ársins.

Það skal þó ítrekað að enn eru þetta aðeins bráðabirgðatölur.

Framkvæmd útjöfnunar fer samkvæmt 11 gr. reglugerðar 348/2022 (með síðari breytingum) um stuðning í nautgriparækt þar sem segir: „Skal fyrst greitt fyrir fyrsta prótsentustig sem greiðslumarkshafi framleiðir umfram eigið greiðslumark og síðan annað prósentustig og svo áfram eftir því sem ónotað greiðslumark gefur tilefni til“.

Til baka